15
其實佢有晚市套餐同二人餐都幾抵食，但係我同朋友想試吓餐牌其他嘢食，所以最後都係散嗌
前菜叫咗份醉雞，雞肉好滑，亦都有淡淡嘅酒味，不錯！
嚟食上海嘢點可以少得小籠包，皮做得好薄，一咬開超級多汁，好好食
平時啲餐廳都係一客四件，呢度居然係五件，我同朋友都爭住食最後一件 哈哈
主食就叫咗個鱔糊粗炒，勁大份，好多
鱔糊仲要條條都好爽脆，連埋粗炒一齊食，超級滿足
另外仲叫咗份雲吞雞（1/4隻），我同朋友都俾個湯驚艷咗，真係好好飲。雲吞大大粒超級正
最後仲叫咗個雲腿津白，清清地都不錯
其實我見好多台仲有叫高力豆沙，好似好好食，但係我哋實在太飽了，下次再食！
買單嘅時候都只係$400！食咗咁多嘢都係咁平，實在超級抵食，一定會再嚟幫襯！
1
