新香園 (堅記)

Open Now

Now Closed

今日去深水埗買嘢，行到攰攰地，經過呢間新裝修的新香園，於是就入去食個下午茶。我哋兩個人嗌左兩份著名嘅蛋牛治，一份西多士，同埋兩杯熱奶茶。-蛋牛治果然係名不虛傳，熱辣辣嘅牛肉炒蛋，非常足料，每一啖都食到碎牛。我哋專登嗌左烘底，烘底更加好食，增加左三文治嘅口感。-西多士上面嘅牛油竟然係熊仔形狀，非常可愛，呢度嘅西多士入邊係冇涵既，只係兩塊麵包，但係就炸得好好食。香港物價越嚟越貴，難得喺深水埗區搵到間咁好食嘅茶記，而且價錢相宜。我熊貓當然要推薦給大家。