Lockeroom Dining (朗晴坊) (Closed)

小妹一直都想開番間車路士Cafe😆, 所以今次就去左阿仙奴cafe窺探下, 深入敵軍陣營👀🤭, 7點半去到已經full哂人, 未入到門口已經見到好多阿仙奴嘅野, 有門牌波衫球員相飾品等……一入到去就有種Home of Arsenal嘅感覺😯, 餐廳有幅貼滿大量球員閃卡嘅牆, 周圍掛有簽名波衫, 打卡一流📱📸🤳! 除左有普通menu散叫之外, Set Dinner仲有由A到R咁多個比你揀, 花多眼亂👀💫! 沙律🥗蒜蓉包🥖外脆內軟而且仲幾厚身, 牛油同蒜蓉味都好香!南瓜湯🥣南瓜湯質感濃稠, 口感順滑, 南瓜味十分濃厚香甜, 仲食到少少南瓜絲!燒烤醬西班牙黑毛豬梅肉拼北海道元貝🐖豬梅肉口感軟腍, 肉質鮮甜多汁, 無豬臭味, 油脂甘香, 整塊扒都沾滿甜甜地嘅燒烤汁, 南瓜蓉香甜有口感, 整體味道唔錯, 份量岩岩好, 推介😋👍🏻!7波士頓活龍蝦配鮮蕃茄汁意大利扁麵🦞🍝龍蝦肉質結實, 味道鮮甜, 蕃茄汁🍅酸酸甜甜好開胃, 意大利扁麵軟硬度適中, 而且每條麵條都掛滿哂醬汁!梳乎喱配雪糕熱辣辣嘅梳乎喱, 質感輕盈蓬鬆, 軟綿富彈性, 空氣感十足而且唔太甜, 份量岩岩好, 配埋雪糕, 正正正😋😆!