雖然係黃竹坑有啲遠，但係一出地鐵站商場就係，全程唔使溚雨，放工過去食個晚餐再返屋企，其實勁方便！
一開始就會有前菜 包括黑豆、芽菜、菠菜、醃蘿蔔、海帶，韓式泡菜，有成5-6款前菜，最鍾意食個黑豆，好好味😋。加錢就可以無限添加！
1️⃣ 日本產和牛肩肉盛
和牛肩肉盛雪花花紋勁靚，呢個肉盛係有3款牛肩部位，每面燒大約1-2分鐘已經足夠，油脂均好，入口即溶🤤，枱面亦都有三款調味料可以點！最鍾意配海鹽，同和牛嘅油脂好配合！
2️⃣ 燒鵝肝多士
第一次燒鵝肝多士，將成個錫紙盤擺落去，到咁上下可以叫職員幫手烤麵包！麵包燒得勁香脆，加埋無花果醬超yummy😍！
2️⃣ 蔥燒厚切牛舌
牛舌勁厚，油脂都好靚！都係第一次見牛舌會塞啲蔥鹽，勁多蔥，燒個陣油脂同蔥混合，食落好多蔥好香！
4️⃣ 醬油蝦
醬油蟹有四隻，啲蝦超大隻超厚肉，仲有爆多蝦膏，滿滿醬汁入晒味，口感豐富！
5️⃣ 嚴選牛骨髓石頭鍋飯
🤣好大舊牛骨髓，成個石頭鍋飯熱辣辣上枱，職員幫手將牛骨髓撈混，仲有勁正嘅脆卜卜飯焦😍，牛骨髓食落一啲都無腥味！
6️⃣ 韓式泡菜煎餅
食韓國菜，點可以唔買個泡菜煎餅，煎餅勁大塊，好香脆😋。
7️⃣ 菠蘿梳打
8️⃣ 柚子特調
兩杯嘢飲各有特色！菠蘿梳打好清爽，岩晒韓燒。柚子特調係cocktail ，有少少酒精但唔多！甜甜地唔酸易入口🥰。
1
