Video
Read full review
2009-06-10
6 views
朋友經常行過呢間野都好多人等位, 所以好想黎試吓. 唔知係唔係因為係星期日既朝早, d人無咁早起身, 我哋今日去到時既時候餐廳都未坐滿. 見到門口話有個lunch buffet, 睇過佢meau見如果散叫可能都係差唔多價錢. 行入去見到佢哋個buffet又好似幾多野食咁. 所以我哋就揀左食buffet. 一坐底, 有個姐姐見我個袋打開個大大既口, 即刻話幫我搵d野笠住, 如果唔係行出行入驚我唔見野, servic ok!!$98 + 10% = buffet + soup + 一杯飲品, 都幾抵喎~~~佢哋今日個湯係紅腰豆忌廉湯, 幾特別喎~~ 個湯係粉紅色. 不過本身腰豆既味就唔重, 所以我都只係飲到忌廉湯既味道, 不過味道唔錯, 唔會太濃.餐茶我點左杯熱咖啡.... 我覺得咖啡味唔夠, 同埋唔夠熱.... 呢個係全餐既敗筆.至於野食, 我今日專攻沙律~~~ 佢有5款唔同既沙律~~~ 5款我都覺得好好味. 佢嗰個沙律汁唔會係普通嗰d卡夫醬, 千島嗰d~~~ 好開胃好好味. 其中蕃茄沙律仲有火箭菜tim呀. 我個frd話我次次都夾沙律, 淨係食沙律都食飽. 但係呢d菜係超級市場買好貴,
一坐底, 有個姐姐見我個袋打開個大大既口, 即刻話幫我搵d野笠住, 如果唔係行出行入驚我唔見野, servic ok!!
$98 + 10% = buffet + soup + 一杯飲品, 都幾抵喎~~~
佢哋今日個湯係紅腰豆忌廉湯, 幾特別喎~~ 個湯係粉紅色. 不過本身腰豆既味就唔重, 所以我都只係飲到忌廉湯既味道, 不過味道唔錯, 唔會太濃.
餐茶我點左杯熱咖啡.... 我覺得咖啡味唔夠, 同埋唔夠熱.... 呢個係全餐既敗筆.
至於野食, 我今日專攻沙律~~~ 佢有5款唔同既沙律~~~ 5款我都覺得好好味. 佢嗰個沙律汁唔會係普通嗰d卡夫醬, 千島嗰d~~~ 好開胃好好味. 其中蕃茄沙律仲有火箭菜tim呀. 我個frd話我次次都夾沙律, 淨係食沙律都食飽. 但係呢d菜係超級市場買好貴, 但係呢到就可以係咁食, 我覺得淨係食菜都可以食到回本.
另外佢仲有牛扒, 羊腿, 德國腸仔, 咖哩雞, 秋刀魚等等熱盤. 不過最好食我覺得係芝士焗西蘭花 (又係菜....), 有一層芝士均勻咁舖係d西蘭花既上面, 唔會話得少少芝少要乾啃西蘭花. 不過秋刀魚就麻麻, 因為佢無將魚肚入面d野ling晒出黎. 嗰個位係食得既, 好多餐廳都唔會ling. 不過我覺得ling左出黎會好d囉.
甜品區方面有自家制雪糕, brownie, 朱古力蛋糕, 奶凍, apple clumbe...., 其實我都唔係咁sure佢d甜品既名, 因為佢d名牌同d甜品唔係咁match. 佢d name card係for tea buffet 既甜品, 變左見到名牌ling左前面嗰杯, 但係食落又好似唔係嗰回事. 試過ling左3個以為係唔同既野, 食落去係同一樣野. 不過佢d甜品就麻麻. 我平時最愛既朱古力蛋糕同brownie都唔夠朱古力味. 自家制雪糕打得唔夠滑, 食到有少少沙. 但係甜度啱啱好唔會話太甜and一味落香油.
我哋坐到3點幾, tea buffet要開始d waiter先同我講要清場. 行出去既時候我哋見到佢哋已經ready緊tea buffet d 野. 我見到tea buffet依然有嗰5盤沙律, 甜品又多d. 下次我會再黎食佢個tea buffet. 讚!!
Post
