餐廳公布咗7月15最後一日營業先識嚟，成日嚟深水埗搵食都無留意到佢
有飯有麵，餐廳標榜嘅係正宗雲南米線，點餐紙嘅設計寫得清楚又細心，任何類型嘅辣、配菜組合、飲品要求、多、少、要唔要都照顧到
米線嘅話嗌最少3餸、最多6餸，仲有熱撈(仲以為深水埗得川xx食有)!我嗌咗熱撈，餸就係分開上，細食女生表示份量多到食兩餐都得(下次嗌少米)
主角係米線要講先，標準嘅米線好煙韌，應該係大部分人追求嘅嗰種口感，(但我個人鍾意稔嘅，下次要喺紙上圈埋)，味道咸淡適中，蒜香味為主，食到尾嫌乾嘅話倒啲餸汁落去撈一撈都得
3餸嗌咗麻辣雞腎、麻辣豬耳、酸辣海帶，辣度嚟講3樣都唔太辣
雞腎嘅肉質食落有牛舌嗰種稔滑，連啲筋都唔韌好易咬，高質嘅！
豬耳爽脆得嚟唔會有肥膩感海帶嘅主調嘅鎮江醋，雪凍咗好清爽，咬落嗦嗦聲，開胃!
1
奶茶偏甜，嗌多奶真係有畀多奶，正
相逢恨晚，仲有半個月要多啲嚟食
