Watami Japanese Casual Restaurant

今次嚟到和民搵食！
落雨天要一棚人去食飯～和民係少數唔使book都有位嘅店～

天婦羅鍋燒烏冬定食（$78）
上次食牛肉壽喜燒鍋～個湯底淡而無味～
所以今次試吓食天婦羅烏冬～點知結果都係一樣～係淡如水嘅湯底！
但今次同事叫壽喜燒就較濃味～所以偷咗2啖湯過來～
好在定食有隻生蛋～落咗至少都有蛋味～
不過原來鍋入面有雞肉～為咗等佢熟令個烏冬有少少過火～
烏冬尚算幼滑～只係欠一點煙韌
天婦羅偏油～蝦明顯係雪藏蝦…
最唔掂係個啫喱～味道怪得嚟好似未完全成形咁…

呢間和民質素好唔穩定～希望快啲改善啦！