都唔知有間臥虎藏龍、性價比甚高嘅日式餐廳
賀天日本料理位於海天晉商場一樓
環境舒適、人流甚多
可見佢地食物質素一定有保証
打開餐牌都發現價錢都幾經濟實惠
逢星期一三五有壽司買一送一優惠
而逢星期二四六就係串燒買一送一優惠
不過因為淘小姐實在太想試吓佢哋嘅刺身同牛肉定食
所以就冇散叫啦
⭐️ 和風特色四色牛肉
分別有牛舌、A5和牛、西冷牛、牛小排
可以自己慢慢燒慢慢食
套餐仲包括沙律味噌湯同埋白飯
仲可以追加小食
當中佢地個牛舌都幾出色
輕輕沾上鹽花就非常美味
⭐️三色刺身（追加）
有油甘魚、三文魚同牡丹蝦
唔好以為追加嘅食物就好馬虎
反而係非常新鮮鮮甜
同佢地嘅刺身丼用料一樣
好有驚喜
⭐️特選蟹皇刺身丼
有特大帆立貝、蟹棒、蟹肉、海膽、三文魚片、三文魚籽等
仲有一隻蝦頭作裝飾
旁邊亦有芝士蛋糕、醃蘿蔔、酸薑、Wasabi等
配搭特別創新
海膽更令人回味無窮
質素高尚性價比甚高
淘小姐坐喺Bar枱附近
聞到串燒嘅香氣不期然想試吓佢哋嘅串燒
嗌返兩串試試先
⭐️蒲燒白鱔
⭐️牛舌
白鱔無骨啖啖肉
而撒上黑椒碎嘅牛舌都幾彈牙
⭐️巨峰乳酸雪糕特飲
⭐️抹茶牛奶
好多特色飲品都咁啱賣晒
不過我地都叫左消暑解渴能力幾高巨峰乳酸雪糕特飲
抹茶牛奶奶味較重都幾飽肚
套餐份量太多嘅關係
淘小姐都食得超飽
連好想食嘅甜品都食唔落😁
唯有下次再黎啦！
食滿三百蚊仲可以玩「賀天幸運大抽獎」
呢晚都見到幾個人中左現金券😱
獎品真係好吸引呀！
