第一度菜係元帥三弄, 分別係义燒/醬蹄/燒肉, 賣相幾好, 味道都OK, 最值得推介係醬蹄 👍👍 ---- 像上海菜的肴肉.
湯係杏汁白肺湯, 杏仁味好重, 味道清甜, 雖然明知係大煲煲好再用湯砵上枱, 湯料都包含所有應有的材料, 值得介紹給大家.
小菜3款 - 金銀蛋莧菜/君度橙花骨/彭家豆腐. 不愧為高檔食府👍👍, 雖然好多酒樓都有呢幾款菜, 但賣相及味道就無呢間好.
飯係薑粒燒肉炒飯, 炒飯係最考酒樓廚師 - 要炒到粒粒飯都分開而唔油膩, 除聘珍樓外, 冇其他酒樓可比.
因很少會點酒樓的甜品, 但見到佢哋甜品餐牌的甜品賣相又幾靚, 終於衝動點咗3款 - 蓮蓉西米布甸/圓肉燉津梨/地鼠木糠布甸. 又幾好味, 價錢冇出面的甜品店平. 值得一試.
