估唔到入面都有間手搖店。
新開嘅紹香園x南本草位於地庫B1層
係一間非一般嘅手搖店
單係論裝修，響永安中心已經算係鶴立雞群🤔
至於飲料方面，更加係結合左新同舊
涼茶草本同堅果果乾嘅新fusion茶飲店🤓
唔知係咪為左迎合打卡文化
店內飲料都被悉心裝扮，絕對做到「色、香、味」俱全🤩
🧋開心果雲泡堅果奶拿鐵
奶蓋軟綿濃厚，陣陣開心果味😚
配搭開心果碎嘅咬口，正👍
下面latte奶味出，但未至於蓋過開心果味，又唔會太甜，不錯😌
🥤無花果薏仁水梳打
清新爽口，飲完仲有半粒無花果乾食，爽😊
小小店舖另設有烘焙部
連最近很火熱的扁可頌都有🤩
🥐酥脆美味😋朱古力醬只覆蓋半邊
變相有兩種口味體驗
不過對於愛吃甜嘅我黎講
一定係有朱古力嘅完勝😝😆😋
🥧蔓越莓果仁塔
撻皮同果仁脆口，配搭蔓越莓酸酸甜甜，實在係開胃之選😍
