涼小姐 (Closed)

繽紛手工涼皮唔誇張，可以話暫時係我人生食過最好味嘅涼皮第一位！一食就食得出係自家手工制, 口感超級煙韌又有咬口。配菜種類多又足料，吞落口充滿麻油香，整體感覺清新又健康，回味無窮。燒椒茄子🍆好香青椒味，如果完全唔食得辣嘅就唔建議食。茄子蒸到好淋，口感軟綿。又係好健康！另外，佢好方便嘅係可以係whats app預先落單，講低幾點去拎，咁就可以唔洗企係度等了！大熱天時食完得一個字- 爽！之後都一定時不時就會想食。