今晚打算懷念一下童年回憶
二話不說點了爸爸以往一定叫的大蝦牛柳
點了7成熟黑椒汁少意粉
是日餐湯有羅宋湯和甘筍忌廉湯
不少老牌餐廳的忌廉湯都係麵粉開成
盡是回憶的味道，好食！
主菜來了從邊切開的牛柳發現唔似7成熟
耐心等牛柳在鐵板上再煮一下又rest一下
先食一口「大」蝦 - 怎料微暖的仲要雪到霉
用雪蝦是人之常情但真係太霉
用叉輕輕推開已散開至這個程度
再將注意力放回牛柳
中間切開仍然好生
有禮貌問侍應目測幾成熟，佢答4成
我話唔好意思我食唔到咁生，佢答再換比我
等了良久新鐵板(附椰菜花)連汁打斜放到檯面即走開
汁當然四圍彈，彈完我再拉回鐵板
本先有兩隻「大蝦」仲有一隻未食
但新鐵板上已經無左
心諗算啦反正霉唔食好過
同一件翻煎的牛柳亦唔係落order時的7成熟
而係more than well done 即係overcooked
說真的肉質一般
以為自己食緊連鎖餐廳
意粉上檯微暖
整體只有餐包餐湯餐茶是正常的
老牌餐廳不能持續消費老顧客的感情分
每位客人看到火焰牛柳都心花怒放
但火花過後仍要吃下去
明白這不是千元一塊扒
但也不是60元一塊扒
這餐吃後感不是失望而是可惜
1
