初見 (Closed)

睇完戲肚仔餓就行下附近，見到呢間初見，原來初見嚟左旺角開分店，之前成日見荃灣分店好多人排隊，就無試，難得唔洗排隊，就試一試呢間有少少名氣既餐廳先！季節性海鮮🦞鍋 轉烏冬 $96湯底係龍蝦湯，望落賣相唔錯，聞落都幾香，海鮮配搭方面都幾豐富，有蠔、帶子、蝦、青口、魷魚🦑、三文魚，仲有唔少蔬菜🥬，Cp值都幾高，本來跟飯，+$8轉左讚岐烏冬，烏冬份量都幾大碗！蟹籽三文魚刺身丼 $88三文魚都幾新鮮，切得都幾厚身，蟹籽份量好足，好大方，另外有少少驚喜，壽司飯加左飯素，口感豐富左。