用既係急凍到無味肉鞋, 食既係芝士"擘上"伊麵 $38 係咁ga la~ 一分錢一分貨 
反而扣起90年代, 飲飲食食... 食材, 廚師既功夫~
近呢十年, 好既廚師都淡出晒飲食界, 為既可能係, "快餐"式既酒樓管理~
呢次$38 引起想食餐, 實實在在既龍蝦餐~
自來食材~ 荃灣楊屋道街市, 平貴都有, 我鐘情"黃勝記" 斤兩足~
3斤幾澳洲龍蝦~ $880
美國筒蠔~ $75 x 2
巡過前面d 拖網海魚檔口, 成日都見到佢地一家人, 係西鐵碼頭上貨既亞妹.... 極力推薦$30 份 跳螺~
行番入去中間, 東記亞嫂打個招呼, 係咁e 一斤東風螺啦 $32
5:30pm 番上去小廚到~ 老闆點攪好呢? 5個人份量~
上湯龍蝦生麵底~
熱水雙螺~
酥炸筒蠔~
半隻招牌炸子雞~
兩支啤酒, 半打氣水.... 成為唔使3佰~
白水雙螺~ 東風螺 vs 跳螺 .... 結果係.... 以後都食跳螺~ 未食過你一定唔知, 跳螺個味擴漲的黎... 鮮~ 特登買左支海鮮醬, 都係留番比東風螺點下算
招牌炸子雞~ 次次都點呢個菜, 今次有d 後悔.... 因為叫左半隻, 原來叫一隻同叫半隻, 都一定食晒, 但係嚮受就有d 唔同.... 留比你話我知啦~
上湯龍蝦生麵底~ 新鮮既食材一定嬴晒ga, 不過都要廚師既"老手門", 煎好生麵放底, 上湯包圍件件龍蝦, 汁不太濃, 但又唔會水汪汪. 龍蝦口感一流, 有自身既味道, 配合上湯汁液...... 夾~ 生麵混和蝦湯, 半脆... yummy ~ 8, 9 十年代無花無假既實力派廚師~ 讚~
酥炸筒蠔~ 70年代老豆車一家入去流浮山食"炸生蠔", 勁正~ 不過食完仲正, 暈車浪嘔番出黎~ 不過食既係個種記憶.... 今天比都唔夠膽食3角洲重金屬生蠔, 都係"泊來"貨好d, 放心食用先呀. 小廚呀~ 你好野... 慢火中溫炸, 外皮酥鬆, 咬入口即散, 蠔肉比熱力迫走左多餘既水份後, 留底仲有50% 蠔汁, 濃縮左既蠔味.... 師父好野~ 心機野黎ga~ 唔急得.... 急就無"酥"更攪到蠔都"屎"埋~
本來仲想叫埋"沙薑雞腳, 生炒骨" ~ 不過, 食埋蠔就飽到.... 下次再介紹過~
ps~ 同老闆講開, 原來佢都會幫手去買海鮮, 咁下次落order 比定錢, 叫老闆幫手去買就方便晒low~ 唔使自己揀錯蟹, 比蟹檔呃~
1
