小漁港海鮮舫 鮮蒸‧鮮味火鍋

Open Now

Now Closed

海鮮迷注意！每位$318食9款海鮮蒸氣鍋天氣轉涼，最啱食暖笠笠的美食！除了火鍋外，海鮮蒸氣鍋亦非常受歡迎，以清蒸烹調，不但可以突出海鮮的原汁原味，食落都會特別鮮甜！早前去了位於太子的小漁港海鮮舫食海鮮蒸氣鍋，餐廳內設有大水缸，每日新鮮購入食材，保證海鮮夠新鮮！每位$318 套餐，一開始會先上刺身、炸物，刺身包括三文魚，三文魚腩，希靈魚、油甘魚、北寄貝、帆立貝，而炸物是酥化椒鹽鮮魷，食落酥化而不油膩，Q彈香口，是不錯的開胃菜！之後開始9款海鮮蒸氣鍋、包括海蝦、元貝、鮑魚、海魚、蟶子、蜆、青口、蠔、肉蟹等，全部都十分新鮮，店員好貼心，由佢哋幫手控制蒸鍋，蒸海鮮時間有長有短，不過已經分好先後次序，食完第一款，第二款都大約時間蒸好，時間岩岩好！而食材方面，最讚肉蟹大大隻，厚肉彈牙，味道鮮甜；而蠔鮮味濃香，而且唔腥，口感一流！食到最後真係已經好飽，但都會比佢最尾的蟲草花蒸雞和吸收了海鮮精華的粥吸引到，啖啖清甜鮮味，包你食飽暖笠笠！