泰豪燒 (Closed)

收工黎個happy dinner岩岩係元朗大馬路收工，行行下轉入又新街，俾我搵到間正野，唔貴又好味，重點係有海鮮砂鍋粥呀～～我一行二人，樣樣都想試下，就叫左個二人餐，有一窩海鮮砂鍋粥，6串串燒同2罐汽水。因為我想食蟹粥，所以加左少少錢食蟹加花甲砂鍋粥。其實揀花甲個陣我都好猶豫，驚成窩粥都係花甲殼，好彩店員同我解釋佢地係拆殼先煲，我即刻放心曬。煲粥一上枱，點解無蔥既，原來係分開上，照顧唔食蔥既朋友們，好貼心呀。我落完蔥就搞一搞，好足料呀，一隻蟹加大量花甲，食一啖，我真係停唔到，花甲冇沙，蟹肉新鮮。串燒就叫左燒菇，菠蘿，雞肉，雞軟骨，雞亦同蝦。樣樣都好味，唔會太咸。雞亦同蝦最好味，雞亦外脆內嫩，醃得又入味。蝦就新鮮，肉質鮮美。另外再試埋燒蒜蓉茄子🍆，蒜蓉鋪滿成條茄子，岩曬蒜蓉精，必食2個人食甘多野真心飽到上心口，下次再試埋其他野。