泰豪燒 (Closed)

元朗果然係個有好多美食既地方，有日經過呢間隱世小店，見有串燒食，就忍唔住入左去。同朋友叫左個二人套餐，包一個海鮮砂鍋粥、六款串燒同野飲。海鮮粥揀左蝦同蜆做配料，一上菜，見到勁大煲時嚇左一嚇，份量真係好多，而且滿滿都是蝦，超級足料。個粥好香，啖啖都係海鮮味，勁正！串燒方面食左雞中翼、鴨胸、五花楠、花枝丸、白魚蛋同雞軟骨，全部都燒得好好，加上孜然粉，係好值得推薦既串燒！最鐘意係花枝丸，燒到外脆內軟，而且好彈牙，好好食。整體黎講好滿足，二人餐食到好飽，值得再去！