泰豪燒 (Closed)

今日同男朋友搵到呢間「泰豪燒」，係主打食海鮮粥同串燒既，所以吸引左我地試下😍。入面既室外設計都好「泰」國風格！我地點左個2人套餐，砂鍋海鮮粥（可以揀兩種海鮮係入面）今日既海鮮選擇有蝦，蜆，鱔，鮑魚，蟶子，墨魚滑，仲有一種魚（唔係好記得我地揀左鮑魚同蟶子。鍋粥比我想像中大鍋！仲好足料，真係見到一粒粒海鮮味道仲好鮮甜。另外個２人餐仲可選擇６款串燒，加２罐汽水（有其他野飲，貴了需要比差價）我地就揀左司華力腸，花枝丸，一口甜薯，冬菇，肥牛腸仔卷同鴨胸肉。每款既質量都唔錯，特別係個冬菇，估唔到燒完仲可以保持到厚厚的，唔係乾哂水既樣後尾我地再叫左個雞中翼同蒜香原條茄子即燒完即食既雞翼皮真係好脆，熱辣辣。而個茄子既製作時間會稍長，大約２０分鐘。成條茄子都有滿滿既蒜，同埋係燒到脆，鐘意食蒜既一定會覺得好香最後我地總共食左＄４０５，飽飽的。