Video
Read full review
2017-05-27
3274 views
話說每次經過元朗西裕街，遠遠都可以聞到燒海鮮、蟹殼所發出嘅香氣。每次經過都相當心動。從大玻璃窗門入去，可以見到每枱食客上面都擺放著一個爐端，上面擺放著琳瑯滿目嘅海鮮，非常吸引。呢間名為《千賀水產》嘅日式放題餐廳，開業約兩三個月，每晚都座無虛席。今次我就提早一星期訂好位，同屋企人食餐好！一坐低店員就好快將一大盤海鮮奉上，海鮮拼盤入面有大蝦、扇貝、大蜆、生蠔、鮑魚，同甲羅燒。淨係望到已經知道材料新鮮。我最鍾意就係大蜆同大蝦。每隻蝦都有手掌咁大隻，燒大概兩分半鐘就食得。千祈唔好燒得過火，因為會黐蝦殼。燒好嘅大蝦肉質爽口彈牙，蝦頭裏面嘅蝦膏甘香，可見大蝦嘅質素相當高。至於大蜆，燒到微微張開口後，可以加入清酒煮滾。蜆殼打開後就可以品嚐到極具海水味嘅鮮甜大蜆。蜆肉彈牙又冇沙，非常鮮味。至於甲羅燒，煮法就係喺蟹蓋入面放入蟹膏同鵪鶉蛋，加入調味料後攪拌好，煮至收乾水分。蟹膏味道甘香，鵪鶉蛋味道濃郁，暫時將膽固醇拋諸腦後。講下呢度嘅壽司，質素亦相當唔錯。帶子壽司size普通，但勝在鮮甜。芥末八爪魚軍艦嘅紫菜，上枱時依然脆卜卜，證明壽司即叫即整。至於火炙三文魚肥美，火炙過後更添風味。 呢度嘅壽司質素唔錯，
呢間名為《千賀水產》嘅日式放題餐廳，開業約兩三個月，每晚都座無虛席。今次我就提早一星期訂好位，同屋企人食餐好！
40 views
0 likes
0 comments
一坐低店員就好快將一大盤海鮮奉上，海鮮拼盤入面有大蝦、扇貝、大蜆、生蠔、鮑魚，同甲羅燒。淨係望到已經知道材料新鮮。
我最鍾意就係大蜆同大蝦。每隻蝦都有手掌咁大隻，燒大概兩分半鐘就食得。千祈唔好燒得過火，因為會黐蝦殼。燒好嘅大蝦肉質爽口彈牙，蝦頭裏面嘅蝦膏甘香，可見大蝦嘅質素相當高。
至於大蜆，燒到微微張開口後，可以加入清酒煮滾。蜆殼打開後就可以品嚐到極具海水味嘅鮮甜大蜆。蜆肉彈牙又冇沙，非常鮮味。
至於甲羅燒，煮法就係喺蟹蓋入面放入蟹膏同鵪鶉蛋，加入調味料後攪拌好，煮至收乾水分。蟹膏味道甘香，鵪鶉蛋味道濃郁，暫時將膽固醇拋諸腦後。
30 views
0 likes
0 comments
講下呢度嘅壽司，質素亦相當唔錯。帶子壽司size普通，但勝在鮮甜。芥末八爪魚軍艦嘅紫菜，上枱時依然脆卜卜，證明壽司即叫即整。至於火炙三文魚肥美，火炙過後更添風味。 呢度嘅壽司質素唔錯，食多幾舊就可以回本呢。
至於呢度嘅燒物質素亦相當高，網燒牛扒 juicy多汁，燒鯖魚 皮脆肉嫩，黑椒台灣腸惹味。
我最鍾意就係露筍牛肉捲，蘆筍bb翠綠，食落冇渣，用牛肉捲住燒，又香口。搽埋燒汁食落甜甜地，正~
仲有牛肉生薑燒鐵板，薑味突出，加埋洋蔥，味道清甜，牛肉肥美，意想不到咁好食。
呢度嘅甜品選擇有好多，除咗有包裝嘅雪條、雪糕球之外，仲有多款嘅蛋糕同忌廉撻，令到平時好鍾意食甜嘢嘅daddy食到舐舐脷。
呢間《千賀水產》海鮮又新鮮，食物款式又多，質素又高，難怪每天都在無虛席，排曬大隊啦~~
同屋企人食嘢， 最緊要大家稱心滿意。
Post
