兩小時晚市放題$348，重點當然是海鮮。坐低QR Code先點湯底和串燒食物，正想出去撈海鮮之際，首輪食物已經上台。蒜蓉燒生蠔、串燒牛舌、羊架、乳鴿、芝麻雞翼和鵝肝，每樣都新鮮即燒。鵝肝真的令人驚艷，香脆又肥美！一連食了3件！仲有每人一隻的大閘蟹。
大閘蟹雖然唔係好大隻，但係都好多膏。食了一轉牛肉，填飽少少就出去撈海鮮。自助區有各式冷盤、凍海鮮、熟食等，選擇超級豐富。
海鮮範圍有成個U字型海鮮缸，各款貝類、蝦、蟹，無限任撈，不斷補貨。單純蟹都有三款，花蟹、藍蟹、三點蟹，鮑魚、大頭蝦、九節蝦、基圍蝦、美國蜆、沙白、白蜆、花甲，見到都開心！店員亦會因應你的喜好而推介。
我哋當然放過蟹，每款都夾咗兩隻，我最愛的鮑魚和蝦。然後交俾店員幫忙處理開邊，轉個頭返去就拎得。
蟹真係好新鮮，蟹肉清甜彈牙，3款都好食。貝類無沙，鮑魚爽彈。我最愛的蝦真係啖啖肉，大頭蝦蝦頭爆膏，真正的海鮮自由!!!食海鮮配返杯珍珠奶茶真係一絕~
我地全程主攻海鮮牛肉，食到返本先罷休。最後食啲菜消下滯就食甜品。Haagen-Dazs雪糕同埋紅糖糍粑、榴槤炸彈都一定要食，各式甜品杯都一試。呢個海鮮放題真心滿足，超推薦鍾意食海鮮的朋友黎試!!!
1
