Video
Read full review
2022-02-06
319 views
12月尾做冬去咗醉金渦打邊爐，估唔到變咗禁堂食前嘅最後一餐火鍋dinner！只係一個月前，感覺好似過咗好耐咁！呢間醉金渦餐廳環境好靚，地方寬敞，坐得好舒服，爸媽好滿意，推薦！我哋點咗四人火鍋海鮮餐（$2280），包足料湯底、多款火鍋配料（牛肉、海鮮拼盤、四色手工丸子、自家現炸響鈴）、海立魚刺身一條、水果、涼茶或紅酒。鍋底選擇好多，有d 可以mix & match做鴛鴦湯鍋，我就揀左店員推薦嘅香草蹄花鍋。湯底真材實料，好鮮甜，入面超多蹄花，充滿骨膠原！ 一上湯底，店員就幫我地舀咗幾碗湯，冬天飲非常滋補！打邊爐之前先食刺身，一上枱見到原條海立魚刺身，大家都立即相機食先！海立魚非常新鮮，薄切後口感略有咬口，越嚼越甘甜，蘸酸汁更帶岀魚鮮！火鍋配料方面，打頭炮有海鮮拼盤，包括大元貝、蟶子皇、鮮蠔同埋肉蟹。 海鮮全部都好新鮮，蠔好肥美，元貝好大隻厚身，蟶子處理得好乾淨，肉蟹啖啖肉，好正！牛肉可以揀頂級安格斯牛小排或手切牛肉，我哋揀咗牛小排。牛小排油脂分佈均勻，色澤漂亮，肉味香濃。極品四色手工丸子有金箔鮮蝦丸、黑松露花枝丸、櫻花蝦豚肉丸同埋麻辣牛肉丸，每款都好有特色，不過如果四人餐可以每款丸都有4粒
我哋點咗四人火鍋海鮮餐（$2280），包足料湯底、多款火鍋配料（牛肉、海鮮拼盤、四色手工丸子、自家現炸響鈴）、海立魚刺身一條、水果、涼茶或紅酒。
鍋底選擇好多，有d 可以mix & match做鴛鴦湯鍋，我就揀左店員推薦嘅香草蹄花鍋。湯底真材實料，好鮮甜，入面超多蹄花，充滿骨膠原！ 一上湯底，店員就幫我地舀咗幾碗湯，冬天飲非常滋補！
打邊爐之前先食刺身，一上枱見到原條海立魚刺身，大家都立即相機食先！海立魚非常新鮮，薄切後口感略有咬口，越嚼越甘甜，蘸酸汁更帶岀魚鮮！
火鍋配料方面，打頭炮有海鮮拼盤，包括大元貝、蟶子皇、鮮蠔同埋肉蟹。 海鮮全部都好新鮮，蠔好肥美，元貝好大隻厚身，蟶子處理得好乾淨，肉蟹啖啖肉，好正！
牛肉可以揀頂級安格斯牛小排或手切牛肉，我哋揀咗牛小排。牛小排油脂分佈均勻，色澤漂亮，肉味香濃。
極品四色手工丸子有金箔鮮蝦丸、黑松露花枝丸、櫻花蝦豚肉丸同埋麻辣牛肉丸，每款都好有特色，不過如果四人餐可以每款丸都有4粒就好d，因為款款都好吸引，但有d味就試唔到，比較可惜。
現炸響鈴鬆脆富層次，確係比現成優勝，除此之外，仲可以自選多4款配料，我哋揀左黑柏葉、日本雪場蟹柳、沖繩墨汁餃同埋皇帝菜。
食到最後仲有水果盤，為呢次做冬邊爐畫上完美句號。
整體食物質素好高，海鮮及刺身質素新鮮，環境舒適，唔怕坐得好迫，上菜速度都快，係嗰晚客人太多，碟手肉切得比較耐。值得一讚嘅係店員服務殷勤友善！
Post
