One More Hotpot 來一鍋 (Closed)

一到冬天就好鍾意打邊爐，知道依間餐廳開咗冇耐而且裝修都幾吸引，所以我哋就去咗試吓依間餐廳嘅火鍋到嚟好唔好食。因為我同朋友都非常之鍾意食海鮮火鍋，依依間餐廳嘅套餐就係有1分海鮮拼盤，然之後任叫其他唔同嘅火鍋配料，感覺上都幾抵食所以我哋就去咗試吓，一入到去餐廳比我嘅感覺就係非常之新淨同埋舒服，所有嘅枱凳都係用咗Baby Blue嘅顏色，俾人一種好舒服嘅感覺。然之後湯底方面我哋就叫咗椰子雞湯底，因為覺得清清地嘅湯底先會食得出海鮮嘅鮮味。然後海鮮拼盤真係非常足料，有我最鍾意食嘅飯立貝鮑魚大蝦同埋生蠔，其他海鮮都非常之新鮮，而且生蠔都幾大下，鮑魚嘅味道都幾鮮甜，所以對於海鮮拼盤來講我都幾滿意其他火鍋配料就叫咗一啲手工製品，有菇肉丸等等，味道都幾特別唔係平時出面食開嘅味道。響鈴嘅份量真係非常之大，而且非常之香脆食落口好香，然之後就叫咗一份牛肉，牛肉嘅味道都唔錯而且望落去都靚，然之後就叫咗一啲炸魚皮，炸魚皮口感非常之好而且好脆。食到最後已經好飽，估唔到仲有甜品，甜品係朱古力心太軟，本身對心太軟嘅期望唔大，點知食落去有驚喜喎，朱古力嘅味道非常之香濃而且係非常流心嘅，諗起都想再食多次。