阿爺八鮮鍋 (Closed)

捉緊冬天的尾巴， 趁天氣仲係涼涼地， 食多次火鍋。 朋友選擇了在 旺角的阿爺八鮮鍋。 一個價錢可以試好多唔同嘅嘢食。最先嚟香辣花膠雞煲， 好多花膠 炆得又夠淋😋😋， 雞肉嫩滑 又唔會太多汁。另外仲有刺身， 章紅魚+三文魚+牡丹蝦😍😍😍重頭戲海鮮火鍋， 有我最鍾意嘅龍蝦、扇貝、 鮑魚、 大蜆、 花蟹， 樣樣新鮮彈牙， 鮑魚仲好生猛喺度喐緊😚😚😚我哋另外仲嗌咗聖子、 帶子 、鮮蝦手打丸 、黑松露手打丸、 班片。😊😋😊安格斯牛肉肉味濃郁， 仲有帶著我最鍾意嘅牛柏葉， 非常爽口。值得一提既係呢度嘅燉湯非常滋潤， 我哋一滴不漏飲曬😀😀facebook like官方網頁, 仲會請我哋食串串辣蝦😋😋😋。 非常惹味， 蝦肉又彈牙。呢度實在太多唔同款式嘅嘢食， 眼闊肚窄不能盡錄。