新南苑私房菜火鍋鷄煲 (海德中心) (Closed)

今晚去左灣仔打邊邊，揀左上樓舖，新南苑。新嘗試，每位$278（星期六、日及公眾假期加$10，醬油每位$10，前菜$20，另加一），可以食海鮮、又可以打邊爐，嘢飲任飲，唔錯哦。我地2個人食，原來3位以上會送雞煲添！湯底有5款可以揀，我就揀左蟹窩花甲湯底，原來賣相好得意架，有個minion 形狀嘅南瓜冰，影完相加湯，即刻變成香甜濃郁嘅湯底。餐前送左個小食，泰式燒腩骨，有點香口有有點辣，幾得意嘅整法。海鮮拼盤有好幾款精選海鮮，我仲揀左龍蝦同鮑魚比餐廳以燒烤形式另上呢，別有一番風味。套餐仲有牛頸脊、手打丸同蔬菜籃，唔夠食？可以再點配料紙，有好多任食配料，又或者加錢叫追加配料都得！臨尾有奶凍甜品，嘢飲任飲有我最鍾意嘅椰子水，超開心！臨走見到張傳單，原來呢度有貓頭鷹時段，夜晚9點半後有8折，$222就可以食到呢個套餐，仲免加一、前菜同醬油收費添，咁抵下次再約多d朋友去食先！仲有午市套餐$88有老火湯同小菜/炒粉麵飯，可惜我唔係灣仔返工啦，如果唔係一定會去！