岸久巿場 (Closed)

年頭年尾特別多聚會，今次揀咗一間在尖沙咀食日本浜燒同好朋友來食。岸久漁師特選丼($168): 成座山咁高，有拆咗肉嘅蟹肉同蟹柳，配上三文魚子及吞拿魚生仲配埋紫菜做手卷及高湯茶漬飯，一物三種食法！湯底熱辣辣好鮮味，紫菜脆卜卜好咬口。跟住有我最期待嘅海鮮浜燒，點了北寄貝，大生蠔，黃金貝。睇色澤都知夠晒新鮮，不用飛去日本都食到日本的味道。記得落高湯提鮮，餐廳會有本秘芨教晒你點煮，平時甚少下廚的我，覺得好好玩！製成品的北寄貝非常肥美，好爽口！岸久漁師野菜火焰鍋($138):美味健康的一餐又點少得蔬菜，呢個火鍋價錢實惠，用清酒做湯底，再加上魚及蜆,level 即時double up! 啱晒一年四季都鍾意打邊爐的香港人仲有個前菜芥辣八爪魚漬，芥辣配上芝麻好清新開胃估唔到呢間餐廳有驚喜，價錢亦算親民。