主角「開邊龍蝦」鋪滿金銀蒜蓉，一上枱已經氣勢十足。放落蒸鍋嗰陣，蒜香、龍蝦香撲鼻而來，等到計時器「叮」一聲，急不及待夾起一件。嘩！龍蝦肉蒸得啱啱好，結實彈牙到不得了，蒜蓉完全帶出咗龍蝦本身嘅鮮甜，而唔係蓋過佢。最邪惡係啲蝦膏，金黃豐腴，滲入啖啖肉裡面，個種濃郁嘅甘香，真係食到舐舐脷，回味無窮！
另一亮點係「鮮活鮑魚」，上枱時仲不時扭動，新鮮程度無庸置疑。蒸熟後，店員會細心幫你起殼、去內臟，服務貼心。咬落去，口感煙韌得嚟又帶點軟糯，完全唔會韌到似擦膠，鮮味如同將成個大海放咗入口，簡單點少少豉油已經係極品。
成個海鮮塔仲有膏蟹、巨型扇貝等等，每一款都係頂級貨色。食完呢個升級版定食，成班Friend都異口同聲話：「今餐真係值回票價！」特別日子嚟犒賞自己，絕對係不二之選。
9
4
1
1
