阿爺八鮮鍋 (Closed)

一向都好鍾意打邊爐～特別係海鮮火鍋～今日就約左朋友仔嚟到旺角呢間阿爺八鮮鍋～有無限嘅火鍋兩個半小時放題！正呀！首先嚟過足料燉湯暖暖個胃先然後黎個時令海鮮拼盤～好大一個拼盤～有象拔蚌、龍蝦、鮮蝦、魚生刺身～擺得仲好靚～相機食先～😆 同場加映～無限極惹味花膠海鮮年糕雞煲，雞煲唔會太辣亦都唔會太油，配料香料足～滋滋味味～特別鍾意佢個年糕軟綿綿索咗雞煲汁好好味食完雞煲就係時候打邊爐啦！有三款湯底可以揀㗎！揀好湯底係時候嗌餸打邊爐啦！等我淥下啲海鮮先～鮑魚、青蟹、蟶子皇、海鮮蝦等等～嘴巴很忙😆 當然仲有牛豬等肉類、蔬菜等只係我今晚嘅quota俾咗海鮮😋值得一題～個豆腐紙幾得意～海鮮拼盤、雞煲、打邊爐～一次過😎 係滿足呀～