阿爺八鮮鍋 (Closed)

🐟🐟中意食海鮮嘅人，嚟到阿爺八鮮鍋一定好開心 ，多款海鮮都係任食😍😍3百幾蚊一位，洗唔洗咁豐富啊😜有燉湯，時令刺身拼盤，花膠年糕雞煲，之後換個湯底就打邊爐， 我哋揀咗冬陰功同魚翅冬瓜湯鴛鴦鍋。雞煲惹味，年糕軟糯，仲有膠質豐富又厚身既花膠 。刺身拼盤有龍蝦，象拔蚌，希靈魚，蝦，立魚，生蠔。 象拔蚌鮮甜爽口，龍蝦都好新鮮。每檯都有既❤️超級海鮮盒入面有鮑魚，元貝，同龍蝦。任點任食嘅海鮮有生蠔， 蟶子皇，白鱔，龍躉，勁豐富。呢度既海鮮真係好新鮮，見到龍蝦同鮑魚 仲識郁㗎。食完上面既野其實已經飽飽地，火鍋料都試唔曬，點左嗰啲全都好好味。推介牛小排，牛味好濃，另外白鱔十分肥美。蝦滑彈牙，真材實料。最後仲可以歎返杯雪糕添。🍦🍦