喜記避風塘炒辣蟹 (肇明大廈)

Open Now

Now Closed

之前試過灣仔店嘅避風塘炒蟹，鑊氣十足夠過癮，今次同班中學同學聚會，專登試吓銅鑼灣總店，keep唔keep到水準！ 🦀招牌避風塘炒辣蟹依然係靈魂所在！蟹肉鮮甜，蟹肉鮮甜肥美，蒜蓉、辣椒、豆豉爆炒到超香口，蟹蓋仲有滿滿蟹膏，辣度啱啱好，食到舔舔脷～風味十足！🦐椒鹽瀨尿蝦瀨尿蝦超大隻，炸到金黃酥脆，椒鹽香口得嚟又唔會太鹹，肉質鮮甜彈牙，連殼都脆到可以咬！🐚辣酒煮花螺驚喜位！花螺吸晒辣酒汁，香辣惹味又帶少少酒香，酒香唔會蓋過螺鮮，螺肉爽口彈牙，愈食愈上癮，送啤酒一流！🍲福建粉絲煲粉絲吸晒海鮮同醬汁精華，乾身得嚟又夠鑊氣，仲有啲蝦米同冬菇提鮮，飽肚又入味。蟹同瀨尿蝦依然高質，鑊氣足、調味正，海鮮新鮮冇得輸！適合一班朋友share食。想試正宗避風塘炒蟹的話，呢度絕對係首選！