由於我們是海鮮控
，亦沒有指定想吃某一款生蠔，所以我們簡左海鮮拼盤Make your own seafood platter
，然後請店主為我們推介了六款生蠔(每款兩隻)
包括Irish Gigas, 美國Coffin Bay,Lambert,法國Find de Claire,Majestic(No.1), La Perle Noire 排名不分先後
這裏生蠔的價錢亦非常親民，大概30-50元就有一隻。
試過之後，果然不同國家產地的生蠔各有他們的特式，有爽的、creamy的、帶海水鹹味的、甜的、大隻肥美的，各有不同口感和味道。
在職員細心講解後，我終於找到我最喜歡的生蠔😍，就是《Majestic》，來自法國，非常肥美，入口清新，有少少海水味，加上其帶子位極甜，口感好好。
另外不能錯過的是
《北海道紫活海膽》$168，原隻上真係特別鮮甜，creamy，無苦澀味。
Red prawns 地中海紅蝦 $78隻能夠做到刺身grade既紅蝦好少有，而且蝦頭有著黃色鮮甜到爆的蝦膏，肉質爽嫩，啖啖都好彈牙。
北海道帶子$38帶子鮮甜，唔需要點調味料都好好味
清酒蒜蓉煮活蜆湯 $168
食完刺身等冷盤海鮮後，當然要試埋熱食啦，估唔到一樣咁好味，
先飲啖湯再食呢幾隻《巨蜆》，加上清酒和蒜蓉非常惹味，咬落去會爆汁，將蜆拆左肉再點翻個湯會更加好食。
焗西班牙黑毛豬扒$298
黑毛豬扒肉質非常嫩滑加上淋上松露汁，
個表皮外脆肉嫩，肉的油脂分佈平均，加上切好細細條，一夾就食得。松露蟹肉意大利飯$218
一上枱就聞到好濃郁嘅松露味道，好香，加上新鮮拆出黎既蟹肉同茹菌，配意大利飯，好match！
總括來講，無論你係蠔控又或者海鮮控，都唔好錯過呢間餐廳，因為呢間蠔餐廳的確夠鮮，而且員工對海鮮亦好熟悉！
