The Captain’s House (Closed)

嗰日去咗大圍圍方嘅Captain House，我叫咗佢哋嘅自選海鮮拼盤$418。我哋揀咗海螺、鮑魚仔同小蟶子呢三款海鮮。除咗海鮮之外，仲有粟米、薯仔同腸做配料。我揀咗檸檬胡椒汁嚟配拼盤入面嘅海鮮。店員會同你將啲海鮮及醬汁shake shake ，令到海鮮均勻地充滿醬汁。呢隻調味汁好清新，有檸檬味同微辣嘅胡椒味，好開胃㗎。仲有我加咗一份蒜蓉包點汁。除咗自選海鮮拼盤，我仲另外叫咗半隻龍蝦配海蜆$298。龍蝦配埋鮮甜嘅海蜆，味道好鮮美。龍蝦肉質爽口，海蜆就有淡淡嘅海味，兩者結合埋一齊，口感好豐富。