重慶洪鼎火鍋 (Closed)

今日好想打邊爐！約左朋友黎滾一滾，就到時間就輕鬆7折，好抵食！經理推介食海鮮拼盤，話配麻辣湯食，一定包我地滿意，見680蚊已經食到好多款海鮮，仲有7折咁抵，當然試試佢啦！我地就揀左膏蟹桶蠔拼。肉方面叫盛肉拼盤就最齊，有牛小排，牛板腱，西班牙黑毛豬同羊肉片。有牛油香味嘅麻辣鍋，叫左少辣，平時食開中小辣嘅我都接受到。另一邊係鴨湯，成隻鴨脾放落去熬煮，仲有酸菜，飲落去酸酸地又幾開胃。鴨血配麻辣湯是常識吧！好滑無渣，正！被海鮮盤嚇呆了，竟然係咁大盤！有美國桶蠔，元貝，貴妃蚌，膏蟹，份量超大。膏蟹好肥美，而且特別新鮮，蟹肉鮮甜。桶蠔XXXL size, 好大隻，滾得耐都唔會縮細，好新鮮嘅蠔味。大元貝好厚肉，配麻辣鍋裡的油，可以緊緊包住元貝嘅鮮味，絕對要食！膏蟹多膏多肉，蟹肉特別鮮甜肉類拼盤份量亦都不少，安格斯牛小排特別好吃，爽滑，肉味濃，紐西蘭羊肉配麻辣鍋亦好夾。好耐無食到一間咁正嘅海鮮火鍋，而且價錢相當合理，有折就更抵，食海鮮黎講，絕對好過去海鮮酒家。