巴巴串 (Closed)

我地今日禮拜日晚黎到，原來有無限時既串燒放題，身為大胃王既我地緊係要試下，仲要唔貴，$298一個。我地因為簡佐無限時，有海鮮拼盤送，真係仲抵呀😝海鮮拼盤唔馬虎，有扇貝，鮑魚，鰻魚一條，魚乾，每樣都係新鮮之選👍🏻我就最中意扇貝，因為真係好新鮮好大隻，扇貝既膏係鮮黃色既，燒完一咬勁綿密，啲肉又夠爽，不得之了🤓另外呢度仲要有小食係整熟佐既，入面有凍海鮮呀🤤凍蝦好新鮮，啲蝦肉好爽甜，蝦頭仲要有膏添，好咸鮮呀😙另外青口都有得食，啲肉唔會太細隻，幾甜幾爽，真係正呀🤪另外都係主角既串燒當然都唔會令人失望，款式多多，啲丸同腸全部都好貼心切開晒穿好晒，一定燒得每面都焦香🥸多春魚又係爆春既，燒到爆晒肚，勁脆😋啲豬仔髀呀，雞肉呀，牛柳呀，全部肉都好好食，調味調得岩岩好，食到超滿足呀😚