「真味鮮廚」主打海鮮火鍋，套餐包括時令海鮮拼盤，見每枱都有一盤，貨如輪轉必定新鮮！😍
🎉重慶雞煲
先來一個惹味嘅雞煲打開胃口!雞件好入味，唔太辣，秘製醬汁爆炒勁香，4人份量啱啱好。
🎉日式刺身拼盤
超大盤！擺得靚靚😍
帶子夠鮮甜，三文魚肥美。
赤蝦，八爪魚正常質素。
冰鎮鮑魚入口唔韌，有鮮味👍🏻
🎉特級安格斯肥牛
目測有超靚雪花，入口肉質柔軟夠嫩，仲好有肉味～！👍🏻👍🏻
🎉巨型雲吞
超巨型雲吞，肉質餡料爆滿，大大隻海蝦爽滑鮮甜！
食完雞煲，刺身便開始打邊爐。
湯底四選一，一致通過揀咗最common嘅芫荽皮蛋湯😋，湯底較清配搭海鮮一流！唔會搶走海鮮嘅鮮味。極多芫荽，湯底超香！
🎉龍蝦🦞／蟹🦀海鮮拼盤
非常豐富的海鮮拼盤！
可以選龍蝦或者蟹，又或者一半一半～
雖然龍蝦好似性價比較高，但我哋兩樣都想試🤗
龍蝦肉質又爽又彈，絕對新鮮貨色。
至於隻蟹就冇想像中咁大隻咁多蟹膏。不過肉質新鮮都合格～
龍躉肉足足有成八，九件，每件都超大件厚肉，非常滿足食魚都食飽！
海蝦🦐同樣鮮甜彈牙！
蜆冇沙👍🏻
白鱔片超肥美唔腥👍🏻
聖子超爽甜！淥一淥就食得😋
還有超巨型嘅帆立貝，啖啖肉😋
飲品選擇唔算多，有一款自家製酸梅湯，個人覺得比較甜。
啤酒汽水都係任飲，正！打邊爐必備！
手機落單似乎未能完善，網絡問題最後都要填紙仔。
蔬菜🥬🥦新鮮都會擺得靚靚～
響鈴夠脆，午餐肉質素比較普通。
手打蝦滑非常彈牙！
魚皮夠脆，不過比較碎。
美國肥牛質素正常。
食物質素非常滿意，服務不錯也不時換碟，場內都有八成滿座，人氣十足，冷氣勁充足坐落好凍，店員更貼心提供披肩😅 🫶🏻🫶🏻
