一番風味 (Closed)

灣仔地鐵岀後走幾分鐘，就到達飲食節目曾介紹過的熱捧小炒蟹粥店，門口跟內裏主打黑白二色，懷舊得來見簡約，而地舖來說，佔地也相當大呢，在街上清楚容易見到，好幾次坐巴士也經過此處呀。是日跟小粒子跑到這餐廳去吃小菜，地方舒適，人客半滿但不用等位真好呀。另外，溫度光線都和諧，等吃的我們特別期待。黎呢度一定要食招牌蟹粥啦，粥底軟綿有米香，一人大約有好幾碗份量，蟹肉蠻足料，不得不提是蟹羔滿滿，令成煲粥充滿蟹味，令白粥帶橙，十分吸引。我倆又點了兩隻避風塘炒瀨尿蝦，女生嘛，比較不會拆殻，吃起來有點無儀態，但炒得相當有風味，又不過咸，蝦個子小，肉也嫌少，但實在是津津入味，炸蒜較油膩，但吃到最後也忍不住盛蒜吃才肯罷休。這邊師父做的蒜蓉粉絲蒸扇貝，沒下太多油去做令面，加上是蒸，沒平時吃的那麼多油，粉絲少了油幸而不會干身，蒜下得剛剛好，扇貝不算小，加上干蒜和干蔥，調味不重，更顯新鮮。食後感：師傅炒的菜實在拿手，份量略少，但二人吃卻剛剛好，價錢港島區來說也合理👍🏻P.S.眼見蟹粥差不多是每枱客人都必點呢，值得一試。