Running 燒 (Closed)

朋友話好耐無食韓燒,於是一個星期前係Running燒訂左檯。未到19：00,餐廳差不多已坐滿食客。坐低一陣,服務員送上無限添加泡菜、海帶同大豆芽菜三小碟前菜。我哋一邊食住前菜一邊點左個什菜沙律、 韓式炸餃子、炒年糕。之後朋友負責點海鮮、肉類同蔬菜。我就到自助調味醬料區同飲料區拎左海鮮醬、辣烤肉醬、甜酸烤肉醬、蒜蓉同飲品。先來一盆新鮮爽脆什菜加鮮紅車厘茄混合微酸沙律醬汁嘅什菜沙律。同新鮮炸好又微辣嘅餃子加煙韌年糕,即時令人胃口大開。跟著到海鮮、肉類同蔬菜出場啦。實在太興奮同肚餓,我哋一次過放左滿滿一爐嘅扇貝、帶子、多春魚,海蝦、鯖魚……火力非常好,好快就可以食到新鮮嘅海鮮。帶子鮮甜,海蝦大大隻爽口又彈牙,鯖魚充滿油甘香,咖啡魷魚入味…所有海鮮完全吾會腥。肉類亦毫不遜色,第一次食到超爽口嘅雞腎。牛肉無蘇味又吾韌,卷上金菇菜成牛肉金菇卷,絕配！茄子同南瓜就稔甜。亦要稱讚一下各種醬汁帶出多重味道,令人繼續燒燒燒不完！最後服務員温馨提示我哋甜品每人可以選糖水一碗或雪條一條。雪條係我哋嘅至愛。