I Leisure (Closed)

萬聖節前夕，去朋友介紹嘅餐廳食飯，位置都好方便，响 iSquare 對面，晚市係海鮮主題餐廳，10 點後就會變身酒吧。點咗呢度嘅招牌菜 Shake Shake 海鮮拼盤，將海鮮缙混入海鮮之中，搖呀搖，特別惹味，拼盤有三款、五款同八款海鮮揀，睇你幾多人食啦，不過記得要預先訂啊。另外我哋又點咗 龍蝦包，凍食龍蝦肉混入沙律，幾清新幾特別，另外點咗小龍蝦、Pizza 等，整體嘅食物質素相當唔錯。餐廳裝修都幾型，有鳥籠卡座，有兩個大房，有 Beer Pong 同飛鏢玩，另外仲有個大平台，可以食水煙。原本諗住同另一位最近生日嘅朋友一齊食飯慶生，點知餐廳做咗 萬聖節 佈置，仲要係非常逼真嘅靈堂佈置，好似唔係好挾生日飯喎，哈哈！不如當係 Halloween 飯局啦！