太子海鮮菜館

Open Now

Now Closed

中餐就係有一種魅力令人唔會食厭，每一種肉類/海鮮都有唔同嘅烹調方法，呢一間菜館可以話有千變萬化嘅菜式，無論食幾多次都想繼續幫襯！重點係，會有啲孖寶套餐，非常優惠！配搭亦都非常多👍🏻叉燒+西芹炒龍躉球（孖寶）：叉燒肥瘦均勻，夠曬入味，有少少燶邊，帶有微微焦香。西芹依然保持翠綠，夠曬爽口，龍躉球啖啖肉，一條骨都冇，而且非常新鮮，係食得出嘅鮮味。豉椒炒花甲~花甲粒粒都非常飽滿，沾上豉椒醬汁更覺惹味。太子海鮮小炒王~海鮮嘅份量同款式畀我想像中嘅多，當中魷魚就係我最鍾意，夠曬彈牙，腰果亦保持香脆，抵讚！花膠瑤柱韭黃羹~花膠係女士恩物，骨膠原都係靠佢補充，配上瑤柱嘅鮮味，簡直令人欲罷不能，份量亦都非常多，如果以飯碗仔去計，大概有四至五碗！好食又抵食。