黑木亭居酒屋 (清風街) (Closed)

鍾意食日本菜既朋友仔生日，特登BOOK左黑木亭居酒屋同佢慶生。餐廳有唔少日本風情壁畫，環境寬敞，播著日式音樂，好有氣氛。胡麻蕃茄豚肉沙律新鮮沙律菜爽脆，蕃茄片鮮甜又多汁，豚肉嫩滑軟腍有咬口，淋上胡麻醬特別開胃。串燒叫左幾款，款款都好高質。日本青椒仔偏厚肉，柔軟爽脆好Juicy。粟米香甜有咬口。鹽燒牛肋串鮮嫩多汁，帶點鹹香。黑豚芝士年糕煙煙韌韌好有咬口。京蔥雞肉串外焦內嫩，香口惹味。白鱔皮脆肉嫩，夠厚身，好爽滑。清酒煮蜆味道香濃鮮味，充滿清酒香，蜆肉鮮甜，仲有大量菌類同香菇。海魚一夜干 外皮香酥帶脆，燒得剛剛好，魚肉細緻鮮美，入口軟滑。北海道芒果牛乳乳酸清香芒果味，酸酸甜甜，解膩又開胃。蜜桃烏龍熊茶由烏龍茶制成既熊形冰超可愛，岩哂打卡~茶味香濃，蜜桃味夾雜花香味，好FRESH。