無問題 (Closed)

週末無嘢做就去西貢行下山，行下海邊。 行到攰咁岩有呢間餐廳所以就坐低飲咗杯嘢。 因為佢哋夜晚比人包咗場， 所以個職員都有好細心同埋好唔好意思咁同我哋解釋我哋只可以坐一個半鐘。我地揀左張好靚嘅枱坐低，佢地啲枱嘅花文真係好靚😍😍我哋叫左兩杯嘢飲， 一杯青檸梳打同一杯凍美式咖啡。 嘢飲嚟到嗰時先發現佢哋落錯咗杯熱嘅美式咖啡。 同咗個年輕嘅職員講，佢好似有少少不知所措🤣🤣睇佢個款好似想倒咗杯咖啡重新沖杯比我哋，我哋見到咁就緊係阻止咗佢啦。後尾都只係請佢比杯冰我哋就得。