甜姨姨 (Yiu Wa Street)

Open Now

Now Closed

星期五夜晚好多人排隊，起碼等30分鐘，加上有姜濤嘅應援，所以應該再多啲人。刨冰係佢哋嘅招牌，眼見都有幾枱叫中式糖水。*醬爆 $128好大個刨冰，唔係行綿滑嘅路線，而係似食緊一個刨冰，冰塊入口會慢慢化開，偶然一兩塊小冰粒但唔影響整體口感。最頂係海邊走走嘅蛋捲。表面嘅花生醬超級香濃，但煉奶味偏淡。刨冰本體淋上特濃花生汁，第一啖超級驚艷，外層好濃，但近中間位置比較淡味，尚可接受啦。中間包入花生粉、花生波波，花生粉配冰口感唔錯，但波波配冰比較怪異。黑極 $128最頂係海邊走走嘅芝麻愛餡蛋捲。刨冰表面淋滿特濃芝麻汁，第一啖似食緊一個黑芝麻糊，挖深啲食，會有芝麻酥脆粒，脆脆口感配刨冰好夾。即使中間嘅味道淡啲，中間都有黑芝麻雪糕搭救。最底係豆腐花，清爽啲豆味帶嚟味道上嘅變化，係一個小驚喜！