原の味 (Closed)

這間餐廳位置方便，於地鐵站出口轉灣就到。由於有訂位，因此不用等候便能入坐。餐廳格局為酒吧類型，亦有數款清酒可供選擇。這次一共點了4個菜式先來的是龍蝦湯，味道是傳統的西式龍蝦濃湯味道，湯中間加入了Risotto，變左飲湯之餘有嘢咬下。再來的是魚子醬迷你脆筒二重奏。因為黎之前見好多人都有叫呢個菜式，所以都決定試一試。食落感覺唔錯，脆筒幸好是脆的，而這間店的海膽味道也是我喜歡的那種。緊接就係食海膽藜麥意粉，意粉煮得剛剛好，每一啖意粉都有滿滿嘅海膽包圍住，加藜麥落去有增加口感，相信海膽迷會感到滿足，但食完呢個意粉的確會有滯嘅感覺。最後嘅甜品就真係有驚喜，估唔到鵝肝都可以做甜品。一般食鵝肝都會配梨，而餐廳就應該用左呢個概念，將梨換成雪葩，食完會覺得分唔清食緊甜品定前菜，不過都是滿足的。