Video
Read full review
2019-12-06
237 views
萬聖節去唔到蘭桂坊慶祝，我想大家也總有點失望。不過唔緊要，十一月份可以再去，老蘭其中一家我很喜愛的餐廳Westwood Carvery，本月推出極優惠的套餐。每位$398既套餐，以海膽為主角，相當吸引，聽見都已口水流，所以，筆者又來了。先有海膽鵝肝多士，聽到呢個組合都已經無得輸。鮮美既加拿大膽及甘香入口溶化的鵝肝，與香脆的多士渾然天成，頂頭配幾粒白酒啫喱作回綴，份外誘人。大口咬下去，高呼膽固醇萬歲。 晚餐可跟湯或沙律，每樣一份就好。是日靚湯，蕃茄薯仔湯。你無睇錯，係蕃茄薯仔湯，西式做法其實幾濃香。沙律菜新鮮，自然好吃。接下來是海膽意粉，喜歡這裡的意粉保持咬感，汁醬濃郁可口，非常出色。面頭的兩撮海膽，錦上添花。來這裡唔食牛扒，只會對唔住自己。套餐加一舊水，便可轉八安士的Prime Rib，唔係唔轉呀？那股鬆化的質感，夾雜脂香，令人愛不釋手。套餐跟上的甜品係椰子雪葩，質感查實有少許似雪糕。貪心既筆者，決定再散叫一客朱古力布朗尼，朱味香濃，與雲尼拿雪糕天衣無縫，甜胃大表滿意。老蘭，應該是人多歡聚的地方才對呀！
萬聖節去唔到蘭桂坊慶祝，我想大家也總有點失望。不過唔緊要，十一月份可以再去，老蘭其中一家我很喜愛的餐廳Westwood Carvery，本月推出極優惠的套餐。每位$398既套餐，以海膽為主角，相當吸引，聽見都已口水流，所以，筆者又來了。
先有海膽鵝肝多士，聽到呢個組合都已經無得輸。鮮美既加拿大膽及甘香入口溶化的鵝肝，與香脆的多士渾然天成，頂頭配幾粒白酒啫喱作回綴，份外誘人。大口咬下去，高呼膽固醇萬歲。
晚餐可跟湯或沙律，每樣一份就好。是日靚湯，蕃茄薯仔湯。你無睇錯，係蕃茄薯仔湯，西式做法其實幾濃香。沙律菜新鮮，自然好吃。
接下來是海膽意粉，喜歡這裡的意粉保持咬感，汁醬濃郁可口，非常出色。面頭的兩撮海膽，錦上添花。
來這裡唔食牛扒，只會對唔住自己。套餐加一舊水，便可轉八安士的Prime Rib，唔係唔轉呀？那股鬆化的質感，夾雜脂香，令人愛不釋手。
套餐跟上的甜品係椰子雪葩，質感查實有少許似雪糕。貪心既筆者，決定再散叫一客朱古力布朗尼，朱味香濃，與雲尼拿雪糕天衣無縫，甜胃大表滿意。老蘭，應該是人多歡聚的地方才對呀！
Post
