The FOOD FACTORY (Closed)

Easter holiday的最後一天，難得天晴無落雨，同 friend去旺角掃街邊小食。傍晚時候我哋都行到脚攰，朋友提議試下去最近嘅譽發廣場新開嘅餐廳食下嘢休息下，嚟到我先知我之前都有嚟過呢個地方，但現在已變成另一間餐廳了。距離晚飯時間尚早，所以我哋好好彩可以坐到窗邊的座位，可以一邊傾計食飯，一邊觀看窗外的繁華鬧市。餐廳中間有大投射播放MV, 眼睛不會悶。我哋分別點了兩份 set dinner, 包餐湯和餐茶的。是日餐湯係粟米湯，除了粟米外，裏面仲有忌廉同烟肉，好夠熱，很濃味，好飲。伊勢海膽海鮮炒飯，呢個飯炒得幾乾身，啱我，材料亦豐富，有海膽，魷魚，蜆，蝦；仲好大碟，我一個人食唔晒，結果唔嘥嘢將食剩嘅打包拎走。油封鴨髀伴比利時窩夫，兩隻鴨髀好多肉，我個friend話啲鴨髀醃得好入味，肉質唔"鞋"好好食，份量亦好多；窩夫鹹鹹甜甜的，味道有點像吃"牛脷酥"。飲品要了凍檸茶同埋熱蜂蜜紅棗茶，凍檸茶忘了拍照，甜甜的蜂蜜紅棗茶內有切碎了嘅紅棗，一路飲一路連渣都食埋，感覺係健康飲品。