Ikigai Concepts (Closed)

政府突然決定要暫停晚市，咁唯有轉做食午市啦～網上睇咗好多餐廳嘅介紹，居然比我發現到有間環境睇落好靚嘅餐廳。當然馬上約朋友一齊去啦去到餐廳門口，感覺好高級，好彩喺網上已經睇過佢哋嘅菜式同價錢，都好親民。如果唔係都唔敢入去😂 入到去發現成個設計充滿着日本嘅色彩，連裝修擺設都好有心思。去新餐廳，當然要點佢哋嘅招牌菜，見到嘅時候已經被震撼到，海膽同三文魚子好似唔駛錢咁，多到瀉😂😂 食落好幸福。試埋天婦羅炸物，炸衣好薄，菇同蝦嘅組合好配，炸多春魚更加係好好食👍等到恢復翻晚市，要再食多次呀😆