Deep Sea Oyster & Steak

Open Now

Now Closed

今日黎到一間西日式餐廳試下😆🥢松葉蟹肉沙津呢個沙律啲蟹肉幾鮮甜，食落唔會有雪藏味。配埋啲青瓜同沙律菜，味道算清新。個醬汁唔會太搶，但又夠帶出蟹肉味。整體嚟講，係一個幾開胃嘅前菜。🥢海膽三文魚他他配多士三文魚他他切得幼細，口感滑，配埋個醬汁好夾海膽味道夠濃，好creamy，quality 有啲驚喜到我😆配埋三文魚一齊食有層次感。多士焗得香脆，唔會過硬調味方面冇太多花巧，可以突出食材本身味道🥢燒牛舌心串牛舌心燒得啱啱好，外面微焦，入面仲保持到嫩。咬落去有彈性又唔韌，幾有咬口。每串有三大舊😆調味主要靠鹽同少少黑椒，已經好夠🥢美國安格斯肉眼三成熟外層煎得香口，入面真係做到粉紅多汁。肉質夠嫩，咬落去有肉味唔會淋。調味簡單，主要靠海鹽提味，唔會搶走牛味。油脂分布平均，食落唔會膩。🍸柚子蜜梳打柚子味幾突出，飲落去有啲微酸，幾醒神。甜度控制得唔錯，唔會死甜，啱啱好。夏天飲就最啱。個柚子蜜底部有啲果肉，攪勻咗飲口感會更豐富。