Master Room (Closed)

Master room 用左灰色水泥牆作基調，配搭黑色鐵件及外露管線，令到整體環境帶loft工業風，再配用紅酒箱同花紋磚做嘅木枱，又令較簡約嘅裝潢多左少少玩味。要留意喺地鐵站行過去要10至15分鐘到，唔算好方便。如果去，可以考慮去埋觀塘海濱。🥤主食🥤🍫 Single Origin Chocolate (cold), $52（4/5）呢到嘅凍朱古力係用70%黑朱古力開，會比一般用粉沖水/奶嘅朱古力濃郁香醇，入口亦會較厚身。朱古力原產地為秘魯，所以飲落亦會有微微嘅酸味。整體幾啱我呢啲鐘意高濃度朱古力嘅人，不過飲到最後有啲朱古力碎，可能因為凍朱古力冇溶得咁好，下次有機會再試下熱朱古力。