break (Closed)

牛頭角喺呢兩年變化好多，見證住由美食沙漠變成走到令人有選擇困難。當然，咁都係多得成個觀塘一眾地產發展商喺呢區瘋狂建設，插針咁插嘅商廈，翻新後升格成為甲級寫字樓嘅情況亦屢見不鮮。而喺云云「新盤」之中，最啱vibe嘅我諗都只有佢，#海濱匯💁🏻‍♀️。佢可以話係有晒靚view 得嚟又比較遠離擠壓觀塘區嘅一棟甲級寫字樓，幾層都進駐咗好幾間高質餐廳，就連grab n go 都有好多我愛嘅選擇！重點係大廈每個角落，包括餐廳嘅氛圍都好chill，就算lunchtime 嚟都有種放假食飯嘅閒適感。例如係呢間 Break 就真係舖如其名，幾啱tea time 嚟輕食Take 牙break，食物係西日路線，而嘅中menu每日都可能有變，想知是日推介係咩就上返IG睇先知。而飲品方面餐廳都幾有特色，可愛插畫繪製出幾杯signature drinks，睇賣相都好吸引。指定款嘅飲品喺一至五早餐時段有得免費添飲，唔止teatime抵食，平時late lunch period 仲有85折，一句講晒抵deal👏🏻！