Video
Read full review
2016-12-17
1135 views
鰂魚涌好多小店餐廳，午飯時間人多人往，處處爆滿，想好好地感受一下環境同服務都好難，更何況係食物呢？呢間位於鰂魚涌海澤街7號地舖新開張既小店「真味神」日頭時段好受歡迎，於是我決定放工去食頓晚餐！放工時間過後入夜既海澤街十分清靜，路人唔多，所以唔需要等位我就可以入座嚕～其實地點尚算方便，由鰂魚涌B出口，落樓梯後直行轉左經幾間舖頭就到，加埋都係3分鐘路程內。近門口既2人座剛好無人坐，於是就比我獨霸了，哈哈！其餘既係靠牆既bar枱位，岩晒獨自或上班族放工後去輕輕鬆鬆食個飯～雖然寫係「lunch」但其實夜晚都叫得～唔好聽個店名就以為係食中菜，其實佢主力食好西，而且選擇都唔少～我就揀左《All Day Breakfast (Set B) $72》～份量都幾大（有焗蒜蓉包、薯餅、炸魚柳、炒蛋、煙肉、蕃茄、黃豆、菜、哈蜜瓜）～再加杯橙汁～蒜蓉包焗到脆卜卜，蛋炒到7-8成熟幾滑，我最鍾意放炒蛋同煙肉上去個包度一齊食～唔好以為all day breakfast唔太講究，其實我最留意當中既炸物，因為一般餐廳好多時會出現翻炸、炸皮過厚、太油、太乾既情況，但呢度就無以上問題～印象唔錯～魚柳太塊，炸完個皮薄脆唔
鰂魚涌好多小店餐廳，午飯時間人多人往，處處爆滿，想好好地感受一下環境同服務都好難，更何況係食物呢？呢間位於鰂魚涌海澤街7號地舖新開張既小店「真味神」日頭時段好受歡迎，於是我決定放工去食頓晚餐！
放工時間過後入夜既海澤街十分清靜，路人唔多，所以唔需要等位我就可以入座嚕～其實地點尚算方便，由鰂魚涌B出口，落樓梯後直行轉左經幾間舖頭就到，加埋都係3分鐘路程內。
近門口既2人座剛好無人坐，於是就比我獨霸了，哈哈！
其餘既係靠牆既bar枱位，岩晒獨自或上班族放工後去輕輕鬆鬆食個飯～
雖然寫係「lunch」但其實夜晚都叫得～唔好聽個店名就以為係食中菜，其實佢主力食好西，而且選擇都唔少～
我就揀左《All Day Breakfast (Set B) $72》～份量都幾大（有焗蒜蓉包、薯餅、炸魚柳、炒蛋、煙肉、蕃茄、黃豆、菜、哈蜜瓜）～再加杯橙汁～
蒜蓉包焗到脆卜卜，蛋炒到7-8成熟幾滑，我最鍾意放炒蛋同煙肉上去個包度一齊食～
唔好以為all day breakfast唔太講究，其實我最留意當中既炸物，因為一般餐廳好多時會出現翻炸、炸皮過厚、太油、太乾既情況，但呢度就無以上問題～印象唔錯～
魚柳太塊，炸完個皮薄脆唔油，入面既魚肉多及仍然嫩滑唔乾；薯餅都係一樣。
最後仲有埋哈蜜瓜當飯後水果，感覺好完滿，哈！
Post
