臺北棧 (港威商場)

Open Now

Now Closed

海港城《臺北棧Check in Tapei》係裝修靚靚嘅台灣菜餐廳，環境舒服😌，食物又唔貴。我先試咗炸明太子甜不辣$78。明太子甜不辣炸得外脆內軟，加上明太子鹹鹹辣辣，非常好食😋接着，我試咗蒜香三色台腸$68。台腸炒得香脆，蒜香味道濃郁，每一口都好有味道。我仲叫咗肉鬆皮蛋蛋餅$78。蛋餅內裡有肉鬆同皮蛋，味道豐富。招牌魯肉飯$68，我都試咗一碗。魯肉燉得香濃，肉質軟嫩多汁，飯粒蓬鬆，非常美味。另外麻醬涼拌秋葵$48。秋葵口感爽脆，配上麻醬，味道香濃又清爽。甜品方面，我點咗宇治抹茶鳳梨酥麻糬蛋撻$58。鳳梨酥酥皮香甜，麻糬蛋撻口感綿密，抹茶味道濃郁，好好食😋我仲叫咗一杯芭樂苦瓜汁$52。呢杯汁飲清涼解渴，芭樂同苦瓜嘅組合獨特，味道酸甜又微苦。